منگل، 17 نومبر، 2026 · 8 جمادی الثانی، 1448 ہجری

بھارت کے خلاف ٹیسٹ سیریز سے قبل نیوزی لینڈ کو دھچکا، مچل سینٹنر انجری کے باعث باہر

قومی خبریں
بھارت کے خلاف ٹیسٹ سیریز سے قبل نیوزی لینڈ کو دھچکا، مچل سینٹنر انجری کے باعث باہر

نیوزی لینڈ کی وائٹ بال ٹیم کے کپتان مچل سینٹنر انجری کے باعث بھارت کے خلاف 2 ٹیسٹ میچوں کی سیریز سے باہر ہوگئے۔

کھیل سے متعلق معلومات فراہم کرنے والے ادارے کی ایک حالیہ رپورٹ کے مطابق نیوزی لینڈ کے وائٹ بال کپتان مچل سینٹنر انجری

کے باعث بھارت کے خلاف آئندہ 2 ٹیسٹ میچوں کی سیریز میں قومی ٹیم کی نمائندگی نہیں کرسکیں گے۔ ان کی عدم دستیابی کے بعد نیوزی لینڈ کرکٹ نے متبادل کھلاڑی کے طور پر ڈین فاکس کرافٹ کو ٹیسٹ اسکواڈ کا حصہ بنا لیا ہے۔

نیوزی لینڈ کرکٹ کی جانب سے جاری تفصیلات کے مطابق مچل سینٹنر کو پانچویں ون ڈے میچ کے دوران بیٹنگ کرتے ہوئے دائیں ہاتھ پر گیند لگی تھی، جس کے بعد ان کی انجری کا جائزہ لینے کے لیے طبی معائنے اور اسکین کروائے گئے۔ ان ٹیسٹوں میں ان کے ہاتھ کی ہڈی میں فریکچر کی نشاندہی ہوئی، جس کے باعث انہیں ٹیسٹ سیریز سے دستبردار ہونا پڑا۔

مچل سینٹنر کی جگہ اسکواڈ میں شامل کیے جانے والے ڈین فاکس کرافٹ رواں سال مئی میں آئرلینڈ کے خلاف ٹیسٹ کرکٹ میں اپنا پہلا میچ کھیل چکے ہیں۔ یوں انہیں بھارت کے خلاف ٹیسٹ سیریز میں ایک مرتبہ پھر نیوزی لینڈ کی نمائندگی کا موقع ملے گا۔

واضح رہے کہ بھارت اور نیوزی لینڈ کے درمیان 2 ٹیسٹ میچوں پر مشتمل سیریز کا پہلا مقابلہ جمعرات سے ویلنگٹن میں شروع ہوگا، جبکہ سیریز کا دوسرا اور آخری ٹیسٹ 27 نومبر سے کرائسٹ چرچ میں کھیلا جائے گا۔

بشکریہ روزنامہ جسارت