ٹرمپ نے بائیڈن انتظامیہ کو فیڈرل ایوی ایشن ایڈمنسٹریشن کی خرابی کا ذمہ دار قرار دیدیا

امریکی صدر ڈونلڈ ٹرمپ نے فیڈرل ایوی ایشن ایڈمنسٹریشن (ایف اے اے) کی خرابیوں کا ذمہ دار سابق صدر جو بائیڈن کی انتظامیہ کو قرار دے دیا۔
ٹرمپ نے کہا کہ بائیڈن انتظامیہ نے جس چیز کو بھی ہاتھ لگایا، اسے خراب کردیا اور بھاری رقوم غیر دانش مندی سے خرچ کیں۔
ان کا کہنا تھا کہ ان کی انتظامیہ کو فضائی پروازوں کے کنٹرول کے نظام سے متعلق مکمل علم اور اسے بہتر بنانے کا منصوبہ حاصل ہے۔ اگر کانگریس فضائی ٹریفک کنٹرول کے لیے ناگزیر فنڈز کی منظوری دے دے تو نظام کو تیزی سے بہتر بنایا جاسکتا ہے۔
امریکی صدر نے کہا کہ ملک کا موجودہ فضائی ٹریفک کنٹرول نظام زیادہ تر 50 سال پرانا ہے، جس کی بہتری کے لیے کانگریس کی منظوری ضروری ہے۔
ایک اور پیغام میں ٹرمپ نے کہا کہ بائیڈن کے دور میں ایف اے اے چلانے کے طریقہ کار نے ادارے کو کئی سال پیچھے دھکیل دیا۔
بشکریہ روزنامہ جسارت