ایران کا بحرین میں امریکی فوجی اڈے پر ڈرونز سے حملہ

ایرانی خبر رساں ایجنسی کے مطابق ایرانی پاسداران انقلاب نے بحرین میں امریکی فوجی اڈوں کو نشانہ بنانے کا دعویٰ کیا ہے۔

پاسداران انقلاب کے مطابق بحرین کے الرفاع ہیلی کاپٹر اڈے پر ڈرون حملے کیے گئے، جن میں امریکی فضائی دفاعی ریڈار کو 6 ڈرونز کے ذریعے نشانہ بنایا گیا۔

پاسداران انقلاب کا کہنا ہے کہ یہ حملے امریکا کے دشمنانہ اقدامات کے ردعمل میں کیے گئے۔

دوسری جانب یمن کی حوثی ملیشیا نے سعودی دارالحکومت ریاض پر بیلسٹک میزائلوں سے حملہ کیا۔

سعودی اتحادی فوج کے مطابق ریاض کی جانب آنے والے دو بیلسٹک میزائل فضا میں ہی تباہ کردیے گئے۔