پنجاب میں ہوٹلز اور ریسٹورنٹس کے صارفین کے لیے انعامی اسکیم متعارف کرانے کا فیصلہ

پنجاب ریونیو اتھارٹی نے ہوٹلز اور ریسٹورنٹس میں آنے والے صارفین کی حوصلہ افزائی کے لیے انعامی اسکیم شروع کرنے کا فیصلہ کیا ہے، جس کے تحت ڈیجیٹل ادائیگی کرنے والوں کو انعامات دیے جائیں گے۔

اتھارٹی کے ترجمان کے مطابق صارفین کیو آر کوڈ کے ذریعے ادائیگی کرکے اس اسکیم سے فائدہ اٹھا سکیں گے۔ ترجمان نے خبردار کیا کہ کیو آر کوڈ کے ذریعے ادائیگی قبول کرنے سے انکار کرنے والوں کے خلاف سخت قانونی کارروائی کی جائے گی۔

ان کا کہنا تھا کہ ڈیجیٹل ادائیگیوں کے فروغ سے لین دین میں شفافیت بڑھے گی اور ٹیکس نظام پر عوامی اعتماد میں اضافہ ہوگا۔