ایل پی جی مارکیٹرز ایسوسی ایشن نے 16 نومبر سے ملک گیر ہڑتال کا اعلان کردیا

کراچی: پاکستان ایل پی جی مارکیٹرز ایسوسی ایشن نے مطالبہ تسلیم نہ کیے جانے پر 16 نومبر سے ملک گیر ہڑتال کا اعلان کردیاہے۔

ایسوسی ایشن کے سینئر وائس چیئرمین علی حیدر کا کہنا ہے کہ اگر 15 روز میں مطالبات تسلیم نہ کیے گئے تو ملک بھر میں ایل پی جی کی فروخت بند کردی جائے گی۔ جبکہ نئے پرائسنگ فارمولے سے ایل پی جی کی قیمتوں میں 25 سے 30 فیصد اضافہ ہوگا۔

ان کا کہنا تھا کہ ملک میں استعمال ہونے والی 90 فیصد ایل پی جی زمینی راستے سے باؤزرز کے ذریعے پہنچتی ہے، جبکہ مقامی سطح پر پیدا ہونے والی 30 فیصد گیس بھی نئے فارمولے کے باعث مہنگی ہوجائے گی۔