جمعہ، 20 نومبر، 2026 · 11 جمادی الثانی، 1448 ہجری

ایمنسٹی انٹرنیشنل نے ہسپانوی پولیس پر ہڑتالیوں پر طاقت کے بےجا استعمال کا الزام لگادیا

تازہ ترین
ایمنسٹی انٹرنیشنل نے ہسپانوی پولیس پر ہڑتالیوں پر طاقت کے بےجا استعمال کا الزام لگادیا

تصویر، رائٹرز

انسانی حقوق کی عالمی تنظیم ایمنسٹی انٹرنیشنل نے ہسپانوی پولیس پر عام ہڑتال میں طاقت کے بےجا استعمال کا الزام عائد کیا ہے۔

خبر رساں ادارے رائٹرز کے مطابق ایمنسٹی انٹرنیشنل نے موقف اختیار کیا کہ گزشتہ ہفتے کی عام ہڑتال کے موقع پر پولیس نے مظاہرین اور صحافیوں کے خلاف بے جا طاقت کا استعمال کیا۔

فرانس کا کیف حملوں پر یو این سلامتی کونسل اجلاس بلانے کا مطالبہ

عالمی تنظیم کے مطابق میڈرڈ اور بارسلونا سمیت 6 بڑے شہروں میں پولیس نے بغیر کسی پیشگی انتباہ کے لاٹھی چارج، آنسو گیس، مرچوں والے اسپرے اور ربڑ کی گولیوں کا استعمال کیا۔

میڈیا رپورٹ کے مطابق پولیس کارروائی میں 36 افراد زخمی ہوئے، جن میں سے 5 کو اسپتال میں داخل کروانا پڑا۔

اس واقعے کے بعد ہسپانوی وزارتِ داخلہ نے مرچوں والے اسپرے کا استعمال محدود کرنے کا اعلان کیا ہے جبکہ میڈرڈ پولیس نے اہلکاروں کے اقدامات کی اندرونی تحقیقات شروع کر دی ہیں۔

عالمی تنظیم کی رپورٹ 24 متاثرین اور عینی شاہدین کے انٹرویوز پر مبنی ہے، ایمنسٹی انٹرنیشنل نے پولیس کے ضابطہ کار کا گہرائی سے جائزہ لینے کا مطالبہ بھی کیا ہے۔

بشکریہ روزنامہ جنگ