جمعہ، 20 نومبر، 2026 · 11 جمادی الثانی، 1448 ہجری

پاکستان نے بھارت کے اقوام متحدہ میں بے بنیاد الزامات مسترد کردیے

تازہ ترین
پاکستان نے بھارت کے اقوام متحدہ میں بے بنیاد الزامات مسترد کردیے

پاکستان نے اقوام متحدہ میں بھارت کے غیر سفارتی اور بے بنیاد الزامات مسترد کردیے ہیں۔

ترجمان دفتر خارجہ کے مطابق بھارت کے بےبنیاد الزامات پاکستان کے نمائندے نے اُسی اجلاس میں مؤثر انداز میں مسترد کیے۔

ترجمان کے مطابق بھارت کے الزامات پاکستان کے اندرونی معاملات میں ناقابل قبول مداخلت ہیں، پاکستان کے معدنی وسائل کی ترقی کے خلاف بھارت کی مخالفت واضح ہے۔

دفتر خارجہ کے ترجمان کے مطابق بھارت بلوچستان اور خیبرپختونخوا میں دہشت گرد سرگرمیوں کی سرپرستی اور حمایت کررہا ہے۔

ترجمان کے مطابق بھارت پاکستان میں ترقیاتی عمل متاثر اورمقامی آبادی کو قدرتی وسائل کے فوائد سے محروم کرناچاہتا ہے، پڑوسی ملک نے سندھ طاس معاہدہ یکطرفہ معطل کرنے کا غیرقانونی اقدام کیا۔

بشکریہ روزنامہ جنگ