جمعرات، 19 نومبر، 2026 · 10 جمادی الثانی، 1448 ہجری

پنجاب: دفعہ 144 میں 30 روز کی توسیع

تازہ ترین
پنجاب: دفعہ 144 میں 30 روز کی توسیع

پنجاب میں دفعہ 144 کے تحت مختلف پابندیوں میں 30 روز کی توسیع کا نوٹیفکیشن جاری کر دیا گیا۔

نوٹیفکیشن میں کہا گیا ہے کہ خفیہ ریکارڈنگ ڈیوائسز اور جاسوسی کے لیے استعمال ہونے والے آلات پر پابندی عائد کی گئی ہے۔

خفیہ کیمروں والی عینکوں، ریکارڈنگ آلات کے استعمال اور خرید و فروخت پر بھی پابندی میں توسیع کی گئی ہے۔

پنجاب: ایئر بیسز اور ہوائی اڈوں کو محفوظ بنانے کیلئے دفعہ 144 نافذ

نوٹیفکیشن میں مزید کہا گیا ہے کہ عینکوں، پین اور دیگر اشیاء میں چھپے کیمروں اور خفیہ ریکارڈنگ ڈیوائسز کے استعمال پر پابندی برقرار رہے گی۔

پنجاب بھر میں خفیہ ریکارڈنگ آلات کی دکانوں اور آن لائن خرید و فروخت پر بھی پابندی ہے۔

نوٹیفکیشن کے مطابق لیپ ٹاپ، ٹیبلٹس، موبائل فونز اور پی ٹی اے سے منظور شدہ ٹرمینل آلات کو پابندی سے مستثنیٰ قرار دیا گیا ہے۔

بشکریہ روزنامہ جنگ