کویت میں اپنے فوجیوں کی ہلاکت پر امریکی افسر کی کانگریس میں شکایت

کویت میں ایرانی ڈرون حملوں سے امریکی فوجیوں کے تحفظ اور طبی سہولتوں کی عدم موجودگی کا انکشاف ہوا ہے۔
امریکی ٹی وی کے مطابق امریکی فوج کے میجر اسٹیفن نے اس حوالے سے کانگریس میں شکایت جمع کرا دی۔
امریکی فوجی افسر نے سوال اٹھایا ہے کہ کویت میں فوجی مرکز پر ڈرون حملوں سے بچاؤ کے لیے خصوصی دفاعی نظام کیوں موجود نہیں تھا؟
ایران کیخلاف جنگ میں 1 اور امریکی فوجی کی ہلاکت کی تصدیق
میجر اسٹیفن کے مطابق کویت میں امریکی فوجی اڈے پر نہ ڈاکٹر موجود تھا، نہ مستقل طبی مرکز اور نہ ہی مناسب ایمبولینس کی سہولت، وہاں صرف ایک ایمبولینس دستیاب تھی۔
انہوں نے بتایا کہ کویت میں امریکی فوجی اڈے پر ڈرون حملوں کے خطرے سے اعلیٰ حکام کو پہلے ہی آگاہ کر دیا گیا تھا، تاہم خطرے کی نشاندہی کے باوجود حفاظتی انتظامات نہیں کیے گئے۔
امریکی فوجی افسر نے کانگریس سے مطالبہ کیا ہے کہ تحقیقات کی جائیں کہ دفاعی اور طبی سہولتوں کے بغیر امریکی فوجیوں کو کویت کیوں بھیجا گیا۔
بشکریہ روزنامہ جنگ