ایرانی وزیر خارجہ عباس عراقچی آج ای سی او اجلاس میں شرکت کے لیے اسلام آباد روانہ ہوں گے

ایرانی میڈیا نے وزیر خارجہ عباس عراقچی کی اقتصادی تعاون تنظیم (ای سی او) کے وزرائے خارجہ کونسل کے اجلاس میں شرکت کی تصدیق کردی۔

ایرانی میڈیا کا کہنا ہے کہ عباس عراقچی ای سی او وزرائے خارجہ کونسل کے اجلاس میں شرکت کریں گے۔

رپورٹس کے مطابق عباس عراقچی اجلاس میں شرکت کے لیے آج شام اسلام آباد روانہ ہوں گے۔

واضح رہے کہ اقتصادی تعاون تنظیم (ای سی او) کے رکن ممالک کے وزرائے خارجہ کونسل کا 30واں اجلاس 15اور 16نومبر کو اسلام آباد میں منعقد ہوگا جس کی صدارت نائب وزیراعظم و وزیر خارجہ سینیٹر محمد اسحاق ڈار کریں گے۔

اجلاس میں ای سی او کے رکن ممالک کے وزرائے خارجہ، وفود کے سربراہان، ای سی او سیکرٹریٹ اور اس کے ذیلی اداروں کے نمائندے شرکت کریں گے۔