اسرائیلی اپوزیشن رہنما گادی آئزن کوٹ نے نیتن یاہو کی اتحادی حکومت بنانے کی پیشکش مسترد کردی

اسرائیلی اپوزیشن رہنما گادی آئزن کوٹ نے نیتن یاہو کی اتحادی حکومت بنانے کی پیشکش مسترد کرتے ہوئے اسے سیاسی چال قرار دے دیا۔

عرب میڈیا کے مطابق گادی آئزن کوٹ کا کہنا ہے کہ نیتن یاہو جانتے ہیں کہ وہ انتخابات ہار چکے ہیں، ان کی پیشکش نئی حکومت کی تشکیل مشکل بنانے کی کوشش ہے۔

عرب میڈیا کا کہنا ہے کہ نیتن یاہو نے گزشتہ روز ایک بار پھر اپوزیشن کو اتحادی حکومت میں شامل ہونے کی پیشکش کی تھی، تاہم انہوں نے صرف یہودی جماعتوں کو حکومت میں شامل کرنے کی تجویز دی تھی۔

نیتن یاہو سیاسی میدان سے کنارہ کشی اختیار کریں: اسرائیلی اپوزیشن رہنما گادی آئزن کوٹ

نیتن یاہو کا کہنا ہے کہ قومی اتحادی حکومت ہی ایران کے خطرے کا خاتمہ کر سکتی ہے۔

واضح رہے کہ اسرائیلی صدر نے انتخابات کے بعد اپوزیشن رہنما گادی آئزن کوٹ کو حکومت بنانے کی ذمہ داری سونپی ہوئی ہے۔