سلمان اکرم راجہ نے لطیف کھوسہ کے بیانات کو بے بنیاد اور حقائق کے برعکس قرار دیدیا

سلمان اکرم راجہ(فائل فوٹو)۔

تحریک انصاف کے سیکریٹری جنرل سلمان اکرم راجہ نے لطیف کھوسہ کے بیانات کو بے بنیاد اور حقائق کے برعکس قرار دے دیا۔

جیو نیوز کے پروگرام کیپٹل ٹاک میں گفتگو کرتے ہوئے انہوں نے کہا کہ بانی پی ٹی آئی نے علامہ ناصر عباس اور محمود اچکزئی پر مکمل اعتماد کا اظہار کیا ہے۔

ان کا کہنا تھا کہ بانی پی ٹی آئی نئے صوبوں اور انتظامی یونٹس کے حامی رہے ہیں، ریفرنڈم سے متعلق خدشات دور کرنا ضروری ہیں۔

اسی پروگرام میں شریک وفاقی وزیر ڈاکٹر طارق فضل چوہدری نے کہا کہ ملاقات کے بعد سیاسی بیانات سے تحریک انصاف کو نقصان ہوگا۔

انھوں نے کہا کہ پی ٹی آئی سیاست دانوں کے بجائے ریاست سے لڑ رہی ہے، یہ دیوار سے ٹکرانے کے مترادف ہے۔