اینویڈیا کے سی ای او جینسن ہوانگ نے تمام عہدوں سے استعفیٰ دے دیا

جینسن ہوانگ۔فوٹو: رائٹرز

امریکی چپ میکر کمپنی اینویڈیا کے سی ای او جینسن ہوانگ نے تنازع کے بعد تمام عہدوں سے استعفیٰ دے دیا۔ کمپنی کے سی ایف او کوئلیٹ کریس کو عبوری سی ای او مقرر کر دیا گیا۔

امریکی میڈیا کی رپورٹ کے مطابق جینسن ہوانگ پر مبینہ چینی جاسوس خاتون ایلس ہوانگ سے تعلقات کا الزام ہے۔ اینویڈیا بورڈ نے 8 نومبر کو معاملے کی تحقیقات شروع کی تھیں۔

رپورٹ کے مطابق جینسن ہوانگ نے ملازمین کے نام خط میں تعلقات کا اعتراف کیا تھا۔

جینسن ہوانگ نے اینویڈیا کی مشترکہ طور بنیاد رکھی تھی اور تقریباً 3.61 فیصد حصص کے ساتھ اس کے چوتھے سب سے بڑے سرمایہ کار ہیں۔

یہ بھی پڑھیے

اینویڈیا کے CEO سے تعلقات کا بھانڈا پھوٹنے کے بعد چینی جاسوس ایلس ہوانگ بیجنگ پہنچ گئیں

جینسن ہوانگ کے بعد اینویڈیا کی سربراہی کیلئے 3 ممکنہ امیدواروں کے نام سامنے آگئے

اینویڈیا نے چیف ایگزیکٹو افسر جینسن ہوانگ کو نکالنے کی تیاری کرلی

جینسن ہوانگ کے بعد اینویڈیا کی قیادت کون سنبھالے گا؟

پری مارکیٹ ٹریڈنگ میں اینویڈیا کے حصص میں 10 فیصد سے زیادہ کی کمی واقع ہوئی، جس کا منفی اثر مجموعی مارکیٹ پر بھی پڑا۔

حالیہ دنوں میں ہوانگ پر دباؤ بڑھتا جا رہا تھا جب ایسی رپورٹس سامنے آئی تھیں کہ 63 سالہ شادی شدہ ہوانگ کے ایک چینی کاروباری خاتون کے ساتھ تعلقات تھے، جن پر امریکی حکام کو بیجنگ کے لیے جاسوسی کرنے کا شبہ ہے۔

دوسری جانب چین نے کہا ہے کہ امریکا اینویڈیا کے معاملے پر من گھڑت جاسوسی بیانیہ گھڑنا بند کرے۔

ترجمان چینی وزارت خارجہ کا کہنا ہے کہ امریکا جاسوسی الزامات کو ٹیکنالوجی کے شعبے میں پابندیاں لگانے کا بہانہ نہ بنائے،چین کی سائنسی اور تکنیکی ترقی اپنی ایجادات اور عالمی تعاون کےسبب ہے۔