دنیا میں سب سے بلند ترین آواز میں چیخنے والی خاتون

برطانیہ سے تعلق رکھنے والی خاتون برینڈا ولسن نے 105.9 ڈیسی بل کی بلند آواز میں چیخ کر 2 گنیز ورلڈ ریکارڈ اپنے نام کر لیے، جس کے بعد انہیں دنیا کی بلند ترین آواز میں چیخنے والی خاتون قرار دے دیا گیا۔

بین الاقوامی میڈیا کی رپورٹ کے مطابق برینڈا ولسن نے 9 ستمبر کو عالمی ریکارڈ بنانے کی باضابطہ کوشش میں ایک روایتی نعرہ لگایا اور اس دوران ان کی آواز 105.9 ڈیسی بل ریکارڈ کی گئی۔

اس کامیابی کے نتیجے میں انہیں 2 الگ الگ عالمی اعزازات سے نوازا گیا، جن میں خواتین میں سب سے بلند آواز والی ٹاؤن کرائر اور دنیا میں سب سے اونچی آواز میں چیخنے والی خاتون ہونے کا اعزاز شامل ہے۔

91 سال کی عمر میں عالمی ریکارڈز قائم کرنیوالی ایتھلیٹ

رپورٹ کے مطابق برینڈا ولسن 1987ء سے برطانیہ کے شہر پیٹربورو میں ٹاؤن کرائر کے طور پر خدمات انجام دے رہی ہیں۔

ٹاؤن کرائرز عام طور پر عوام کی توجہ حاصل کرنے کے لیے اعلانات کرتے ہیں۔

برینڈا ولسن نے عالمی ریکارڈ قائم کرنے کے بعد کہا کہ میرے خیال میں اس کوشش کے دوران میری آواز اپنی مکمل صلاحیت تک نہیں پہنچ سکی اور میں اس سے بھی زیادہ بلند آواز میں چیخ سکتی ہوں۔