ٹیکنیکل خرابی کے باعث اسلام آباد سے کراچی کی پرواز ڈیڑھ گھنٹہ تاخیر کے بعد روانہ

نجی ایئرلائن کی اسلام آباد سے کراچی کی پرواز کی روانگی تاخیر کا شکار ہوگئی۔ پرواز میں کراچی جانے کیلئے اہم سیاسی شخصیات موجود تھیں۔

پرواز میں خاتون اول آصفہ بھٹو زرداری، ڈپٹی اسپیکر سید مصطفیٰ شاہ، وزیر مملکت کھیئل داس کوہستانی اور دیگر اراکین اسمبلی موجود تھے۔

نجی ایئرلائن کی پرواز کو شام چار بجے کراچی کے لیے روانہ ہونا تھا جو ڈیڑھ گھنٹے تک رن وے پر ہی موجود رہا۔

ایئرپورٹ ذرائع کے مطابق پرواز اسلام آباد سے کراچی کےلیے ڈیڑھ گھنٹے کی تاخیر کے بعد روانہ ہوئی۔