وزیراعظم کا انتخابی اصلاحات پر اپوزیشن کو مذاکرات کی دعوت دینے کا فیصلہ

وزیراعظم شہباز شریف نے انتخابی اصلاحات کے معاملے پر اپوزیشن کو باضابطہ مذاکرات کی دعوت دینے کا فیصلہ کرلیا۔

ذرائع کے مطابق حکومت نے فیصلہ کیا ہے کہ آئندہ انتخابات میں شفافیت کیلئے اپوزیشن کو مذاکرات کی دعوت دی جائے گی۔

الیکشن اصلاحات کیلئے پارلیمانی کمیٹی کی تشکیل، بیرسٹر عقیل ملک نے سینیٹ میں قرارداد پیش کردی

وزیراعظم نے انتخابی اصلاحات پر اپوزیشن کو پارلیمانی کمیٹی میں شامل کرنے کی ہدایت کردی، 20 رکنی پارلیمانی کمیٹی میں اپوزیشن کے 5 ارکان شامل کیے جائیں گے، وزیراعظم نے اپوزیشن سے ارکان کے نام طلب کرنے کی بھی ہدایت کی۔

ذرائع کا کہنا ہے کہ اسپیکر قومی اسمبلی اپوزیشن کو پارلیمانی کمیٹی میں شمولیت کی دعوت دینے کے لیے خط لکھیں گے، خط کے ذریعے اپوزیشن سے کمیٹی کے لیے 5 ارکان کے نام مانگے جائیں گے۔