جنوبی افریقا: تارکینِ وطن مخالف مظاہروں کے پیشِ نظر 500 سے زائد فوجی تعینات

جنوبی افریقا کے شہر ڈربن میں تارکینِ وطن کے خلاف مظاہروں اور تشدد پر قابو پانے کے لیے 500 سے زائد فوجی تعینات کر دیے گئے۔

فوجیوں کی تعیناتی گزشتہ ہفتے ایک غیر ملکی شہری کے قتل کے بعد عمل میں آئی جسے تقریباً 50 مشتعل افراد کے ہجوم نے تشدد کا نشانہ بنا کر ہلاک کر دیا تھا۔

رواں ماہ ڈربن اور جوہانسبرگ کے قریب سوویٹو میں تارکینِ وطن مخالف احتجاج کے دوران دکانوں اور گاڑیوں کو آگ لگانے کے واقعات بھی پیش آئے۔

جنوبی افریقہ میں 7.6 کلومیٹر طویل مال بردار ٹرین، عالمی ریکارڈ توڑ دیا

جنوبی افریقا میں تشدد کی تازہ لہر سپریم کورٹ کی جانب سے ایک ایسی قانونی شق ختم کیے جانے کے بعد سامنے آئی ہے جو غیر قانونی طور پر ملک میں داخل ہونے والے تارکینِ وطن کو پناہ کی درخواست دینے سے روکتی تھی۔