90 دن میں الیکشن کی تاریخ کے اعلان کیلئے سپریم کورٹ سے رجوع کرلیا گیا

اسلام آباد ہائیکورٹ بار نے 90 دن میں الیکشن کی تاریخ کے اعلان کیلئے سپریم کورٹ سے رجوع کرلیا۔

درخواست میں استدعا کی گئی کہ سپریم کورٹ الیکشن کمیشن، پنجاب اور کے پی گورنرز کو انتخابات کی تاریخ کے اعلان کا حکم دے۔

سپریم کورٹ حکم دے کہ 90 دن کی آئینی مدت کے اندر انتخابات کا انعقاد یقینی بنایا جائے۔

سپریم کورٹ میں درخواست اسلام آباد ہائیکورٹ بار کے صدر شعیب شاہین نے دائر کی ہے۔

درخواست میں پنجاب اور خیبر پختونخوا کے گورنر اور الیکشن کمیشن کو فریق بنایا گیا ہے، درخواست میں وفاق اور دونوں صوبائی چیف سیکریٹریز کو بھی فریق بنایا گیا ہے۔

اسلام آباد ہائیکورٹ بار نے آئینی درخواست صدر سپریم کورٹ بار عابد زبیری کے ذریعے دائر کی۔

بشکریہ جنگ