9 مئی کے حملہ آوروں سے مزید سختی کرنے کی ضرورت ہے، نگراں وزیر داخلہ

نگراں وزیر داخلہ میر سرفراز بگٹی نےکہا ہے کہ 9 مئی کا حملہ اچانک نہیں مکمل منصوبہ بندی سے کیا گیا، حملہ آوروں کو سزا دلوانا ہماری اولین ترجیح ہے۔

جیو نیوز کے پروگرام جرگہ میں میزبان سلیم صافی سے گفتگو کرتے ہوئے میر سرفراز بگٹی نے کہا کہ 9 مئی کے حملہ آوروں سے مزید سختی کرنے کی ضرورت ہے، انہیں سزائیں دلوانا ہماری اولین ترجیح ہوگی۔

سرفراز بگٹی نے مزید کہا کہ ریاست کی بنیادیں ہلانے کی کوشش کرنے والوں کو منطقی انجام تک پہنچایا جائے گا، جب ملٹری پر حملہ ہوگا تو مقدمہ بھی ملٹری کورٹ میں چلے گا۔

نگراں وزیر داخلہ کا جرگہ میں تفصیلی انٹرویو آج رات 10 بج کر 5 منٹ پر جیو نیوز پر نشر کیا جائے گا۔

بشکریہ جنگ