9 مئی مقدمہ: چیئرمین پی ٹی آئی کی اٹک پولیس ٹیم کے روبرو پیش ہونے معذرت

چیئرمین پاکستان تحریک انصاف (پی ٹی آئی) عمران خان نے اٹک پولیس ٹیم کے روبرو پیش ہونے سے معذرت کرلی۔

اٹک پولیس نے 9 مئی کے مقدمے میں چیئرمین پی ٹی آئی سے تحقیقات کےلیے پہنچی تو عمران خان نے اُن کے سامنے پیش ہونے سے معذرت کی۔

چیئرمین پی ٹی آئی عمران خان اور بشریٰ بی بی کےخلاف…

ذرائع کے مطابق چیئرمین پی ٹی آئی نے اڈیالہ جیل راولپنڈی میں وکلاء کے بغیر پولیس ٹیم کے سامنے پیش ہونے سے انکار کیا۔

ذرائع کے مطابق عمران خان نے مزید کہا کہ وہ وکلاء کی موجودگی میں 9 مئی واقعات پر بیان ریکارڈ کروائیں گے۔

اٹک پولیس ٹیم راولپنڈی جیل میں پی ٹی آئی کے وائس چیئرمین شاہ محمود قریشی سے تحقیقات کے بعد جیل سے روانہ ہوگئی۔

سانحہ 9 مئی کا مقدمہ اٹک کے تھانے حضرو میں درج کیا گیا تھا، اس معاملے میں فیصل آباد، گوجرانوالہ اور قصور کی پولیس ٹیمیں جیل میں پی ٹی آئی قیادت سے تحقیقات کرچکی ہیں۔

بشکریہ جنگ