9 مئی تخریب کاری میں ملوث 46 خواتین کو گرفتار کیا، نگراں وزیر اطلاعات پنجاب

نگراں وزیر اطلاعات پنجاب عامر میر کا کہنا ہے کہ پنجاب بھر میں 9 مئی کی تخریب کاری میں ملوث 300 میں سے 46 خواتین کو گرفتار کیا۔

انہوں نے کہا کہ 29 خواتین ضمانت پر رہا ہوچکی ہیں، جیل میں قید 17 خواتین کی شناخت پریڈ جاری ہے۔

ان کا کہنا تھا کہ قانون کے مطابق نہ تو کسی سے زیادتی ہوگی اور نہ ہی کسی کو کوئی رعایت ملے گی۔

انہوں نے مزید کہا کہ شناخت سے پہلے ملزم کی کسی بھی شخص سے ملاقات نہیں کروائی جاتی۔

بشکریہ جنگ