21ویں ایشین اسکواش چیمپئن شپ، سیمی فائنلسٹ کے نام سامنے آگئے

21ویں ایشین انفرادی اسکواش چیمپئن شپ کے کوارٹر فائنلز کا فیصلہ ہوگیا۔

مردوں میں پاکستان کے ناصر اقبال نے سیمی فائنل میں جگہ بنالی جبکہ خواتین کے کواٹر فائنل مقابلوں میں ہانگ کانگ کی 3 کھلاڑیوں نے فتح حاصل کرلی۔

اسلام آباد میں جاری 21ویں ایشین اسکواش چیمپئن شپ کے مینز کوارٹر فائنل میں ملائیشیا کے این یو، پاکستان کے ناصر اقبال اور ہانگ کانگ کے لاو تز اور یپ تزفونگ فاتح رہے۔

خواتین کے کوارٹرفائنل مقابلوں میں ہانگ کونگ کی لوئی تز لنگ، ٹونگ تزونگ، ہوتز لوک اور ملیشیا کی رشیل آرنلڈ نے سیمی فائنل میں رسائی حاصل کرلی۔

خواتین کے سیمی فائنل میں لوئی تز لنگ کا مقابلہ ٹاونگ تز ونگ سے جبکہ ہو تز زی کا مقابلہ رشیل آرنلڈ سے ہوگا۔

مردوں کے سیمی فائنل میں این یو کا مقابلہ لاؤ تز کوان سے جبکہ ناصر اقبال کا مقابلہ یپ تز فونگ سے شیڈولڈہے۔

بشکریہ جنگ