17 ملین خاندانوں کو صحت انصاف کارڈ دے چکے ہیں، ڈاکٹر فیصل سلطان

معاون خصوصی صحت ڈاکٹر فیصل سلطان کا کہنا ہے کہ سہولت پروگرام کا دائرہ کار پورے ملک تک پھیلا دیا ہے، پورے پاکستان میں اب تک تقریباً 17 ملین خاندانوں کو صحت انصاف کارڈ کی سہولیات میسر ہیں۔

انہوں نے کہا کہ وزیراعظم پاکستان کا سیاست میں آنے سے پہلے ہیلتھ پر فوکس تھا، یونیورسل ہیلتھ کو یقینی بنانے کیلئے موثر اقدامات کیے جارہے ہیں۔

ڈاکٹر فیصل سلطان نے کہا کہ فاٹا، تھرپارکر، خیبرپختونخوا، آزاد کشمیر میں تمام شہریوں کو صحت کی سہولیات مفت فراہم کی جارہی ہیں۔

انہوں نے کہا کہ بیماریوں کے اخراجات سے غریب مریض غربت میں چلا جاتا ہے۔

بشکریہ جنگ