11 اکتوبر سے تمام اسکولوں میں ریگولر کلاسز ہونگی: وزیرِ تعلیم پنجاب

صوبۂ پنجاب کے وزیرِ تعلیم مراد راس کا کہنا ہے کہ 11 اکتوبر سے پنجاب کے تمام اسکولوں میں ریگولر کلاسز کا آغاز ہو گا۔

وزیر تعلیم پنجاب مراد راس کا کہنا ہے کہ گرمی کی شدت کا احساس ہے، دو ہفتے بعد چھٹیاں دے دیں گے لیکن ابھی بچوں کو امتحانات دینے دیں۔

جاری کیئے گئے ایک بیان میں پنجاب کے وزیرِ تعلیم مراد راس نے یہ بات کہی ہے۔

انہوں نے مزید کہا ہے کہ صوبے بھر کے تمام اسکولوں میں ایک دن میں 50 فیصد طلباء کو بلانے کی پابندی ختم کر رہے ہیں۔

وزیر تعلیم پنجاب مراد راس نے کہا ہے کہ اسکول بند کرنے کی حق میں نہیں ہوں لیکن اگر کورونا وائرس آوٹ آف کنٹرول ہوا تو قابو پانا مشکل ہوگا۔

وزیرِ تعلیم پنجاب مراد راس نے صوبے کے تمام اسکولوں کی انتظامیہ کو ہدایت کی ہے کہ کورونا وائرس کی جاری کردہ ایس او پیز پر عمل درآمد کو ہر ممکن طور پر یقینی بنائیں۔

بشکریہ جنگ