یہ پوری چین تھی، فرح صاحبہ کے ذریعہ خاتون اول کو پیسے جاتے تھے، عطاء اللّٰہ تارڑ

پاکستان مسلم لیگ  ن کے رہنما عطا اللّٰہ تارڑ کا کہنا ہے کہ پنجاب میں ٹرانسفر کے لیے پیسے لیے جاتے تھے، یہ پوری چین تھی، فرح صاحبہ کے ذریعہ خاتون اول کو پیسے جاتے تھے۔

پاکستان مسلم لیگ ن کے رہنما عطا اللّٰہ تارڑ نے خاتون اول کی دوست فرح خان اور ان کے شوہر احسن جمیل گجر پر کرپشن میں ملوث ہونے کے سنگین الزامات عائد کیے ہیں۔

احسن جمیل گجر نے کہا کہ تمام الزامات ایبسلوٹلی بے بنیاد ہیں، فرح کو سافٹ ٹارگٹ سمجھتے ہوئے الزامات کا نشانہ بنایا گیا۔

جیو نیوز کے  پروگرام ’’نیا پاکستان‘‘ میں گفتگو کرتے ہوئے عطاء اللّٰہ تارڑ نے کہا کہ رضوان گوندل کی پوسٹنگ میں احسن جمیل گجر کا ہاتھ تھا۔

عطاء اللّٰہ تارڑ نے کہا کہ گھڑی تحفے میں آتی ہے اور دبئی میں کروڑوں میں بیچ دیتے ہیں۔

رہنما مسلم لیگ ن نے کہا کہ ٹرانسفرکے لیے آنے والے انہیں ہدیہ پیش کرتے تھے۔

بشکریہ جنگ