یو اے ای حکومت پاکستانی بھائیوں کی مدد کو اپنا فرض سمجھتی ہے، اماراتی قونصل جنرل

لاہور میں دھند سے نمٹنے کے لیے متحدہ عرب امارات (یو اے ای) کے تعاون سے مصنوعی بارش کا تجربہ کیا گیا۔

یو اے ای کے کراچی قونصل خانے کے اعلامیے کے مطابق متحدہ عرب امارات کی حکومت نے اپنے خرچ پر مصنوعی بارش کا انتظام کیا۔

نگراں وزیراعلیٰ پنجاب محسن نقوی نے کہا ہے کہ لاہور میں آج پہلی مصنوعی بارش کی گئی ہے۔

قونصل جنرل بخیت عتیق الرومیتی کے مطابق یواے ای حکومت اور عوام پاکستانی بھائیوں کی ہر ممکن مدد کو اپنا فرض سمجھتے ہیں۔

یو اے ای کے قونصل جنرل کے مطابق متحدہ عرب امارات، پاکستانی معیشت میں استحکام کے ساتھ ساتھ ہر معاملے میں تعاون کر رہا ہے۔

بشکریہ جنگ