یوکرین کا 33 روسی میزائل اور ڈرونز کو فضا میں ہی تباہ کرنے کا دعویٰ

یوکرین نے کل رات داغے گئے 30 سے زائد روسی میزائل اور ڈرونز کو فضا میں ہی تباہ کرنے کا دعویٰ کیا ہے۔

غیرملکی میڈیا کے مطابق یوکرینی فوج کا کہنا ہے کہ روس نے کل رات دارالحکومت کیف اور اس کے اطراف میں میزائل اور ڈرونز داغے تھے۔

یوکرین کے دارالحکومت کیف میں میزائل مصروف سڑک پر آ گرا جس سے گاڑی بال بال بچ گئی۔

یوکرینی فوج کے مطابق روس نے گزشتہ رات 15 میزائل اور 18 ڈرونز داغے۔

اس حوالے سے مقامی انتظامیہ نے کہا ہے کہ میزائل اور ڈرونز کا ملبہ گرنے سے 2 افراد زخمی ہوئے جبکہ 5 گھروں کو نقصان پہنچا۔

بشکریہ جنگ