یوکرینی نژاد ماڈل کے جاپان کا مقابلہ حسن جیتنے پر بحث: ’اس میں کوئی شک نہیں کہ وہ خوبصورت ہیں مگر وہ جاپانی نہیں لگتی‘،تصویر کا ذریعہINSTAGRAM
،تصویر کا کیپشنمس جاپان کا تاج اپنے سر پر سجانے والی کیرولینا شینو

  • مصنف, شمع خلیل
  • عہدہ, بی بی سی ٹوکیو
  • 54 منٹ قبل

’جہاں نسلی طور پر مُشکلات کا سامنا رہا، وہیں بحیثیت جاپانی خود کو قبول کروانا بھی ایک چیلنج رہا ہے۔‘پیر کے روز مس جاپان کا تاج اپنے سر پر سجانے کے بعد کیرولینا شینو نے نم آنکھوں اور بھری ہوئی آواز کے ساتھ جاپانی زبان میں یہ الفاظ کہے۔یوکرین میں پیدا ہونے والی 26 سالہ ماڈل پانچ سال کی عمر میں جاپان منتقل ہو گئیں اور ناگویا میں پرورش پائی۔وہ یہ مقابلہ جیتنے والی پہلی جاپانی شہری ہیں لیکن ان کی جیت اور اس کامیابی نے اس بحث کو ایک بار پھر جنم دیا ہے کہ جاپانی ہونے کا مطلب کیا ہے۔

جہاں کچھ لوگوں نے ان کی اس کامیابی کو سراہا ہے، وہیں کچھ کا کہنا ہے کہ وہ ’مس جاپان‘ بن تو گئی ہیں مگر وہ جاپانی نہیں لگتی۔کیرولینا شینو کے مس جاپان بننے سے دس سال قبل آریانا میاموتو 2015 میں مس جاپان کا تاج پہلنے والی ایسی خاتون تھیں کے جن کے والدین دو مُختلف قومیتوں سے تعلق رکھنے والے تھے۔اس وقت ایک جاپانی ماں اور افریقی نژاد امریکی والد کے ساتھ مس میاموتو کی کامیابی نے یہ سوالات اٹھائے کہ کیا مخلوط نسل کے شخص کو مقابلہ جیتنے کا اہل ہونا چاہیے۔مگر اب دس سال کے بعد سامنے آنے والے اس معاملے میں تو حالات یکسر ہی مختلف ہیں، وہ اس وجہ سے کہ حال ہی میں مس جاپان بننے والی شینو کے تو والدین میں سے کسی کا بھی تعلق جاپان سے نہیں اور یہی وہ وجہ ہے کہ یہ معاملہ سوشل میڈیا پر کچھ لوگوں کو پریشان کر رہا ہے۔،تصویر کا ذریعہGETTY IMAGES

،تصویر کا کیپشنآریانا میاموتو 2015 میں مس جاپان کا تاج پہلنے والی ایسی خاتون تھیں کے جن کے والدین دو مُختلف قومیتوں سے تعلق رکھتے تھے
ایکس پر ایک پوسٹ میں کہا گیا کہ ’مس جاپان کے طور پر منتخب ہونے والی شینو جاپانی نہیں بلکہ بلکہ سو فیصد خالص یوکرینی ہیں۔ یہ بات تو درست ہے بلکہ اس میں کوئی شک نہیں کہ وہ خوبصورت ہیں، لیکن یہ ’مس جاپان‘ ہے، اس میں جاپانی پن کہاں ہے؟‘ایک اور صارف نے لکھا ’اگر وہ آدھی بھی جاپانی ہوتیں، تو یقینی طور پر کوئی مسئلہ نہیں تھا لیکن وہ تو نسلی طور پر بالکُل بھی جاپانی نہیں اور جاپان میں پیدا بھی نہیں ہوئیں۔‘دوسروں کا کہنا تھا کہ ’ان کی جیت ملک میں دوسروں کو ’غلط پیغام‘ دے رہی ہے۔‘کچھ لوگوں نے سوال اٹھایا کہ کیا یوکرین میں پیدا ہونے والی ایک ماڈل کا انتخاب ایک سیاسی فیصلہ تھا۔ایک فرد کی جانب سے یہ الزام لگایا گیا کہ ’اگر وہ روس میں پیدا ہونے والی ہوتیں تو ایسا کبھی نہ ہوتا، اور وہ کبھی جیت نہیں سکتی تھیں۔ ظاہر ہے کہ یہ معیار اب ایک سیاسی فیصلہ ہے۔ یہ جاپان کے لیے کتنا افسوسناک دن ہے۔‘اس اعلان کے بعد مس جاپان مقابلے کے آرگنائزر آئی واڈا نے کہا ہے کہ اس تقریب نے ہمیں جاپانی خوبصورتی پر دوبارہ غور کرنے کا موقع فراہم کیا ہے۔آئی واڈا نے مزید کہا کہ ’آج کے نتائج کے بعد، ایک چیز ہے جس پر مجھے یقین ہے۔۔۔ جاپانی خوبصورتی ظاہری شکل میں نہیں، خون میں نہیں لیکن یہ ہمارے دل میں موجود ہے۔‘گزشتہ سال کے اوائل میں شینو نے انسٹاگرام پر جاپانی شہریت حاصل کرنے کا اعلان کرتے ہوئے کہا تھا کہ ’ہو سکتا ہے کہ وہ جاپانی نظر نہ آئیں لیکن ان کا ذہن ’جاپانی بن گیا‘ کیونکہ وہ جاپان میں پلی بڑھیں۔‘مس جاپان 2024 کی حیثیت سے اپنی ٹرافی قبول کرتے ہوئے انھوں نے کہا کہ ’ٹائٹل جیتنا ایک خواب تھا۔‘’اس مقابلے میں ایک جاپانی کے طور پر تسلیم کیے جانے پر میں شکر گزار ہوں۔‘
BBCUrdu.com بشکریہ

body a {display:none;}