یوٹیلٹی اسٹورز: 40 ہزار ٹن چینی کی خریداری کا ٹینڈر منسوخ

یوٹیلٹی اسٹورز کارپوریشن نے 40 ہزار ٹن مقامی چینی کی خریداری کا ٹینڈر منسوخ کر دیا۔

یوٹیلٹی اسٹورز کارپوریشن کے ذرائع نے بتایا ہے کہ چینی کی وافر مقدار میں دستیابی کے باعث ٹینڈر منسوخ کیا گیا۔

ذرائع کا کہنا ہے کہ درآمدی چینی کا تقریباً 30 ہزار ٹن ذخیرہ موجود ہے۔

یوٹیلٹی اسٹورز کارپوریشن نے رواں ماہ 40 ہزارٹن چینی کی خریداری کے لیے ٹینڈر جاری کیا تھا۔

یوٹیلیٹی اسٹورز کےلیے بیرون ملک سے ملکی تاریخ کی سب سے مہنگی چینی کی کھیپ پاکستان پہنچ گئی۔

یوٹیلٹی اسٹورز کارپوریشن نے درآمدی چینی کے باعث مقامی سطح پر خریداری کا عمل روکا تھا۔

کارپوریشن نے آخری بار مقامی چینی رواں برس جولائی 2021ء میں خریدی تھی۔

ذرائع نے مزید بتایا کہ آخری ٹینڈرکے تحت مقامی سطح پر 40 ہزار میٹرک ٹن چینی کی خریداری کی گئی تھی۔

یوٹیلٹی اسٹورز کارپوریشن کے ذرائع نے یہ بھی بتایا ہے کہ آخری ٹینڈر کے تحت مقامی چینی 90 روپے فی کلو میں خریدی گئی تھی۔

بشکریہ جنگ