یونان کشتی حادثہ، کوٹلی کے 166 نوجوانوں کے لاپتا ہونے کی تصدیق

یونان کشتی حادثے میں اب تک کوٹلی کے لاپتا 166 نوجوانوں کی تصدیق ہوگئی۔

ڈی آئی جی میرپور خالد محمود چوہان کا کہنا ہے کہ لاپتا مزید 88 نوجوانوں کے والدین نے رابطہ کیا ہے، 50 دیگر لاپتا نوجوانوں کا ڈیٹا علاقائی سطح پر لوگوں کی مدد سے جمع کیا ہے۔

یونان میں تارکین وطن کی بدقسمت کشتی ڈوبنے کے واقعے میں کھوئی رٹہ کی وادی بناہ کے کئی نوجوان بچے بھی شامل تھے، جو اپنی منزل کو نہ پہنچ سکے۔

انہوں نے کہا کہ یونان میں لاپتا نوجوانوں کی تعداد میں مزید اضافہ ہوسکتا ہے، لاپتا نوجوانوں میں سے کچھ ابھی یونان کی جیل میں اور کچھ تفتیش کے مراحل میں ہیں۔

واضح رہے کہ 14 جون کو غیرقانونی طریقے سے یورپ جانے کے خواہشمند تارکین وطن کی کشتی یونان کے ساحل کے قریب ڈوب گئی تھی، جس میں ابتدائی طور پر 78 افراد ہلاک ہوئے تھے اور بعد ازاں 4 مزید لاشیں نکالی گئی تھیں۔

بشکریہ جنگ