یورپ میں بڑھتی ہوئی مہنگائی پر سینٹرل بینک کی جانب سے شرح سود میں اضافہ

یورپ میں بڑھتی ہوئی مہنگائی کے پیش نظر یورپین سینٹرل بینک نے شرح سود میں مزید 75 بیسک پوائنٹس کا اضافہ کردیا۔

اس سے قبل جون میں بھی 25 بیسک پوائنٹس کا اضافہ کیا گیا تھا۔ اس طرح اس سال میں اب تک مجموعی طور پر 100 بیسک پوائنٹس کا اضافہ ہوچکا ہے۔

یورپین سینٹرل بینک کے مطابق آج اس کی گورننگ کونسل کے اجلاس میں تازہ ترین مانیٹری فیصلے لیے گئے۔ اجلاس میں شرح سود میں 0.75 فیصد اضافے کا فیصلہ کیا گیا۔

یہ فیصلہ اس بات کو یقینی بنانے کیلئے اہم قدم ہے کہ یورپ میں افراط زر 2 فیصد کے ہدف کے درمیان رہے۔

اجلاس میں اس بات پر بھی اتفاق کیا گیا کہ افراط زر کی صورتحال پر نظر رکھتے ہوئے اس پر قابو پانے کیلئے مزید اقدامات بھی کیے جا سکتے ہیں۔

بشکریہ جنگ