یورپی ایتھلیٹ نے 24 گھنٹوں میں 319 کلو میٹر دوڑ کر عالمی ریکارڈ بنادیا
یورپی ملک لیتھوانیا سے تعلق رکھنے والے الیگزینڈر سوروکن نے 24 گھنٹوں میں یورپین چیمپئن شپ میں 319 کلو میٹر فاصلہ طے کرکے نیا عالمی ریکارڈ قائم کردیا۔
میڈیا رپورٹ کے مطابق الیگزینڈر سوروکن نے اٹلی میں ہونے والی یورپین چیمپئن شپ کی دوڑ میں حصہ لیا اور 24 گھنٹوں میں 319.614 کلو میٹر دوڑ کر اپنا ہی ریکارڈ توڑ دیا۔
اس سے قبل ان کا ریکارڈ 303.506 کلو میٹر تھا۔
انہوں نے اپنی سوشل میڈیا پوسٹ پر لکھا کہ میں تھک گیا ہو لیکن بہت پرجوش بھی ہوں اور سب کی سپورٹ کا شکریہ ادا کرتا ہوں۔
بشکریہ جنگ
Comments are closed.