یروشلم: 90 ہزار سے زائد اسرائیلیوں کا عدالتی اصلاحات کیخلاف مظاہرہ

یروشلم میں 90 ہزار سے زائد افراد پارلیمنٹ کے باہر عدالتی اصلاحات کے خلاف احتجاجی مظاہرہ کر رہے ہیں۔

وزیراعظم نیتن یاہو کا کہنا ہے کہ اپوزیشن رہنما جان بوجھ کر ملک کو انارکی کی طرف دھکیل رہے ہیں۔

انہوں نے کہا کہ اپوزیشن پارلیمنٹ میں افراتفری پھیلا رہی ہے، اراکین پارلیمنٹ ٹیبلوں پر چھلانگیں مار رہے ہیں۔ یہ لوگ مجھے غدار کہہ رہے ہیں۔

اپوزیشن رہنما اور سابق وزیراعظم یائر لاپد نے کہا کہ نیتن یاہو زندگی میں ایک بار اپنے کیے دَھرے کی ذمہ داری قبول کریں۔

ان کا کہنا تھا کہ انارکی آپ کی دیوانی حکومت کی وجہ سے ہو رہی ہے۔ معیشت اور سلامتی کو خطرات آپ کی بےہنگم قانون سازی کی وجہ سے ہیں۔

یائر لاپد نے مزید کہا کہ اسرائیلی عوام میں اتحاد کا ختم ہونا آپ کی ناختم ہونے والی اشتعال انگیزی کا نتیجہ ہے۔

بشکریہ جنگ