یارکشائر کاؤنٹی کرکٹ کلب کے ڈپٹی چیئر کو لاہوریوں کی مہمان نواز بھاگئی

یارکشائر کاؤنٹی کرکٹ کلب کے ڈپٹی چیئر ٹریور اسٹرین لاہوریوں کی مہمان نوازی کے دلدادہ ہو گئے۔

لاہور قلندرز کے یوٹیوب چینل پر ٹریور اسٹرین کی ایک ویڈیو شیئر کی گئی ہے جس میں انہوں نے کہا کہ لاہوریے بہت مہمان نواز ہیں۔

انہوں نے کہا کہ قلندرز ہائی پرفارمنس سینٹر میں بہترین کوچز اور زبردست سہولیات دستیاب ہیں۔

ٹریور اسٹرین کا کہنا ہے کہ امید ہے یہ دورہ یارکشائر اور لاہور قلندرز کے دو طرفہ تعلقات کو مزید وسعت دے گا۔

اس موقع پر یارکشائر کاؤنٹی کرکٹ کلب کے کوچ اظہر اللّٰہ نے کہا کہ قلندرز ہائی پرفارمنس سینٹر میں اعلیٰ معیار کی کوچنگ کی جاتی ہے، میں لاہور قلندرز کی کوچنگ کے طریقہ کار کا بہت بڑا حمایتی ہوں۔

انہوں نے کہا کہ لاہور قلندرز نوجوان کھلاڑیوں کی اسکلز میں بہتری لانے کی کوشش کر رہا ہے۔

بشکریہ جنگ