ہنگو: ہائی اسکول میں بارش کا پانی داخل، ریلے میں طالبات پھنس گئیں

ہنگو میں طوفانی بارش سے نشیبی علاقے زیر آب آگئے۔ بارش کا پانی گھروں،دکانوں اور اسکولوں میں بھی داخل ہوگیا، گرلز اسکول میں طالبات بھی پھنس گئیں، جنہیں بعد میں ریسکیو کرلیا گیا۔

ہنگو میں طوفانی بارش اور ژالہ باری ہوئی، جس کے باعث کھڑی فصلوں سمیت متعد دیہات زیر آب آگئے اور  ندی نالوں میں طغیانی آگئی۔

بارش کے پانی سے شہر کے نشیبی علاقے زیر آب آگئے، پانی گھروں، دکانوں اور اسکولوں میں بھی داخل ہوگیا۔

ابراہیم زئی اسکول میں بارش کا پانی داخل ہونے سے طالبات اسکول کے اندر پھنس گئیں، جنہیں بعد میں مقامی افراد اور ریسکیو عملے نے باحفاظت نکال کر محفوظ مقام تک پہنچایا۔

اسسٹنٹ کمشنر کے مطابق اب تک کہیں سے کسی جانی نقصان کی اطلاع نہیں ملی۔

بشکریہ جنگ