ہم نے اچھا نہیں کھیلا، ہم نے اچھی بیٹنگ نہیں کی، مشتاق احمد

ملتان سلطانز کے بولنگ کوچ مشتاق احمد کا کہنا ہے کہ کراچی کنگز نے اچھی بولنگ کی، کریڈیٹ ان کو جاتا ہے، ہم نے اچھا نہیں کھیلا، ہم نے اچھی بیٹنگ نہیں کی۔

کراچی میں پریس کانفرنس کرتے ہوئے  مشتاق احمد نے کہا کہ اچھی پچز پر کھیلتے ہوئے سلو وکٹ پر آئے، ہم پچ کو ٹھیک طرح نہیں پڑھ سکے تھے، اسپن کا اتنا اندازہ نہیں تھا۔

مشتاق احمد نے کہا کہ باہر بیٹھ کر پلان دے سکتے ہیں، اندر تو پلیئرز نے کھیلنا ہوتا ہے، ہمیں کنڈیشنز کو جلدی سمجھنا چاہیے تھا۔

بولنگ کوچ ملتان سلطانز نے کہا کہ جب آپ فرسٹ کلاس میں رن کرنے کا گُر سیکھ لیتے تو مسئلہ نہیں ہوتا، اسامہ میر نے فرسٹ کلاس میں کافی محنت کی ہے۔

مشتاق احمد نے کہا کہ ہمارا بطور کوچ کام ہے کہ ٹیم کا مورال نہ گرنے دیں،  اچھی ٹیمیں غلطیوں کی نشاندہی کر کے اس کو بہتر کرتی ہیں۔

بشکریہ جنگ