ہمیں دیوار سے لگانے کے نتائج بھگتنا پڑیں گے، عمران خان

چیئرمین پاکستان تحریک انصاف (پی ٹی آئی) عمران خان نے کہا ہے کہ ہمیں دیوار سے لگانے کے نتائج بھگتنا پڑیں گے۔

اپنے بیان میں ان کا کہنا تھا کہ سینیٹر سیف نیازی کے گھر پر چھاپہ مارا گیا ان کا فون اور کمپیوٹر اُٹھا لیا گیا۔

عمران خان نے ستمبر میں حکومت کے خلاف کال دینے کا فیصلہ کرلیا ۔

عمران خان نے کہا کہ امپورٹڈ حکومت اور ہینڈلرز ہمیں دیوار سے لگا رہے ہیں، خبردار کر رہا ہوں اس کے نتائج انہیں بھگتنا پڑیں گے۔

سابق وزیراعظم کا کہنا تھا کہ ایک طرف سیلاب کی وجہ سے سیاست سے گریز کا کہا جارہا ہے، دوسری طرف حکومت ہمیں ہراساں کر رہی ہے اور جھوٹے کیسز میں اضافہ کر رہی ہے۔

بشکریہ جنگ