ہمیں حیدر علی پر فخر ہے: احمد شہزاد
قومی کرکٹ ٹیم کے اوپننگ بیٹسمین احمد شہزاد کی جانب سے ٹوکیو پیرالمپکس میں تاریخ رقم کرنے والے حیدر علی کو گولڈ میڈل جیتنے پر مبارکباد دی گئی ہے۔
مائیکرو بلاگنگ سائٹ ٹوئٹر پر احمد شہزاد نے حیدر علی کی گولڈ میڈل کے ساتھ تصویر شیئر کی۔
احمد شہزاد نے تصویر شیئر کرتے ہوئے لکھا کہ ’پہلے پاکستانی حیدر علی نے پیرالمپکس میں گولڈ میڈل جیت کر تاریخ رقم کردی۔‘
اُنہوں نے لکھا کہ ’ہمارے ہیرو! ہمیں آپ پر بہت زیادہ فخر ہے۔‘
واضح رہے کہ پاکستان کے حیدر علی نے ٹوکیو پیرالمپکس میں تاریخ رقم کر دی ہے، حیدر علی پاکستان کے لیے پیرالمپکس میں گولڈ میڈل جیتنے والے پہلے پاکستانی بن گئے ہیں۔
حیدر علی نے ٹوکیو پیرالمپکس میں مردوں کے ڈسکس تھرو مقابلے میں شرکت کی تھی، حیدرعلی نے پانچویں باری میں 55 اعشاریہ 26 میٹر کی کامیاب تھرو کی۔
بشکریہ جنگ
Comments are closed.