ہمارے سیکیورٹی پلان کو امریکا کی حمایت حاصل ہے، اشرف غنی

افغان صدر اشرف غنی کا کہنا ہے کہ ہمارے سیکیورٹی پلان کو امریکا کی حمایت حاصل ہے، سیکیورٹی پلان کےتحت آئندہ 6 ماہ میں صورتحال قابو میں آجائےگی۔

افغان وزارت دفاع کے مطابق گزشتہ 24 گھنٹوں میں 15صوبوں میں افغان فورسزکے آپریشن کے دوران 455 طالبان جنگجو ہلاک ہوگئے ہیں۔

اشرف غنی نے قومی اسمبلی کے مشترکہ سیشن سے خطاب میں کہا کہ حالیہ صورتحال غیر ملکی افواج کے فوری انخلا کے فیصلے کے باعث ہوئی، آج ہمارے لوگ جارحیت کی واضح حالت میں ہیں، جارحیت اور جنگ ہم پر مسلط کی گئی ہے۔

افغانستان کے نصف سے زیادہ اضلاع طالبان کے قبضے میں چلے گئے

انہوں نے کہا کہ جب تک طالبان امن کیلئےآمادگی ظاہرنہیں کرتےصورتحال تبدیل نہیں ہوسکتی، سیکیورٹی پلان کےتحت آئندہ  6ماہ میں صورتحال قابو میں آجائےگی، ہمارے سکیورٹی پلان کو امریکا کی حمایت حاصل ہے، سکیورٹی پلان پر عملدرآمد شروع کر دیا گیا ہے۔

امریکی عہدیدار کا کہنا ہے کہ جو بائیڈن انتظامیہ افغان پناہ گزینوں کیلئے ایک نیا پروگرام شروع کرے گی۔

افغان صدر نے کہا کہ کسی بھی تباہ کن قوت کےسامنے گھٹنےنہیں ٹیکوں گا، ہم یا تو مذاکرات کی میز پر بیٹھیں گے یا ان کےگھٹنےمیدان جنگ میں توڑدیں گے، ہم نےاپنی ترجیحات طےکرلیں۔ طالبان، انکےحامی اپنی ترجیحات طےکرلیں۔

اشرف غنی نے کہا کہ ہماری جیت کیلئے واحد راستہ صرف اتحادہے، افغان خواتین کویقین دلاتاہوں، قوم انکےحقوق کا دفاع کر رہی ہے۔

بشکریہ جنگ