ہمارے بولرز آؤٹ کرنے کی صلاحیت رکھتے ہیں، مائیکل بریسویل

نیوزی لینڈ کے کرکٹر مائیکل بریسویل نے کہا ہے کہ ہماری ٹیم بیلنس ہے اور بولرز آؤٹ کرنے کی صلاحیت رکھتے ہیں۔

کراچی ٹیسٹ کے چوتھے دن کھیل کے اختتام پر میڈیا سے گفتگو کرتے ہوئے مائیکل بریسویل کا کہنا تھا کہ آخری دن پاکستان کے لیے ہدف حاصل کرنا آسان نہیں ہوگا۔

انہوں نے کہا کہ وکٹ نے زیادہ ٹرن نہیں لیا لیکن اسپنرز کے لیے مدد موجود ہے۔

مائیکل بریسویل کا کہنا تھا کہ کوشش ہوگی کہ آخری دن پاکستان کو جلد آؤٹ کریں۔

اپنی انفرادی کارکردگی پر بات کرتے ہوئے بریسویل کا کہنا تھا کہ اپنی کارکردگی کو انجوائے کر رہا ہوں، کوشش ہوگی زیادہ وقت تک نیوزی لینڈ کے لیے کھیلوں۔

بشکریہ جنگ