ہماری کوشش ہے کہ بلاول بھٹو زرداری وزیر اعظم بنیں، خورشید شاہ

وفاقی وزیر خورشید شاہ نے میڈیا سے گفتگو کرتے ہوئے کہا کہ ہماری کوشش ہے کہ بلاول بھٹو زرداری وزیر اعظم بنیں۔

خورشید شاہ کا کہنا ہے کہ پیپلز پارٹی اپنے نشان تیر سے الیکشن میں حصہ لے گی اور ہم کوشش کریں گےکہ دوسری پارٹیوں سے سیٹ ایڈ جسٹمنٹ کریں۔

ان کا کہنا ہے کہ ملکی معیشت خطرناک اژدھا بن چکی ہے، اس معیشت کو درست کرنا بڑا چیلنج ہے۔

وفاقی وزیر کے مطابق سیاست دانوں کو ایک دوسرے کو اعتماد میں لینا ہوگا کیونکہ اعتماد ہوگا تو ہم اس خراب معیشت کو درست کرسکیں گے۔

بشکریہ جنگ