ہدف پاکستان کو ورلڈکپ میں کامیابی دلوانا ہے، افتخار احمد

پاکستان کرکٹ ٹیم کے مڈل آرڈر بیٹر افتخار احمد نے کہا ہے کہ میرا ہدف یہی ہے کہ ورلڈ کپ کھیلوں اور ٹیم کو کامیابی دلواؤں۔

جیو نیوز سے گفتگو میں افتخار احمد نے کہا کہ ٹیم میں واپسی پر خوشی ہوئی ہے، کم بیک تو اس وقت ہوتا ہے اگر آپ پرفارمنس کی وجہ سے ٹیم سے باہر ہوں۔

پاکستان سپر لیگ (پی ایس ایل ) چیمپئن لاہور قلندرز کے چیف ایگزیکٹو آفیسر ( سی ای او) عاطف رانا سے ریکارڈ ہولڈرکوہ پیما شہروز کاشف نے ملاقات کی ہے ۔

انہوں نے کہا کہ ہمیشہ ٹاپ آرڈر پرفارم کرتا ہے، اس لیے مجھے مڈل آرڈر میں زیادہ موقع نہیں ملا، کبھی 2 اوور کھیلا، کبھی 3، کبھی 5، زیادہ موقع نہیں ملا۔

مڈل آرڈر بیٹر نے مزید کہا کہ میرا فوکس یہی ہے کہ اچھا پرفارم کر کے ٹیم کو کامیابی دلواؤں، بطور پروفیشنل یہی سوچتا ہوں کہ 2 گیندیں کھیلوں یا 5، اپنی ٹیم کے لیے کھیلوں۔

ان کا کہنا تھا کہ آسٹریلیا کے خلاف لاسٹ میچ کھیلا، ویسٹ انڈیز ٹور میں باہر بیٹھا رہا، میرا ٹیم میں کردار فنشر کا ہی ہے، اس کردار کو ہمیشہ نبھانے کی کوشش کرتا ہوں۔

افتخار احمد نے یہ بھی کہا کہ مینجمنٹ ہمیشہ یہی کہتی ہے کہ جا کر اپنا نیچرل گیم کھیلو، مجھے جہاں بھی موقع ملتا ہے، میں اپنی کرکٹ کو انجوائے کرتا ہوں۔

بشکریہ جنگ