ہتھنی مدھو بالا کی منتقلی، فور پاز ٹیم آج سفاری پارک کا دورہ کریگی

کراچی میٹروپولیٹن کارپوریشن (کے ایم سی) کے حکام نے کہا ہے کہ عالمی فورپاز ٹیم آج سفاری پارک کا دورہ کرے گی۔ 

کے ایم سی حکام کا کہنا ہے کہ ٹیم سفاری پارک میں ہتھنی مدھو بالا کی رہائش کے انتظامات کا جائزہ لے گی۔

حکام کے مطابق ٹیم سفاری پارک میں موجود ہتھنی سونیا اور ملکہ کی فزیکل فٹنس کا بھی معائنہ کرے گی۔

فورپاز ٹیم کے سربراہ ڈاکٹر عامر خلیل نے کہا ہے کہ نور جہاں دنیا سےچلی گئی مگر ہمیں بہت کچھ سکھا گئی۔

کراچی میٹروپولیٹن کارپوریشن کے حکام کا کہنا ہے کہ ہتھنی مدھو بالا کی ہیلتھ رپورٹس کلیئر ہونے پر اسے سفاری پارک منتقل کیا جائے گا۔

حکام کا یہ بھی کہنا ہے کہ سفاری پارک میں مزید ساڑھے 3 ایکٹر رقبہ ہاتھیوں کے لیے مختص کیا گیا ہے۔

بشکریہ جنگ