گھوڑے پر سوار کتے کی ویڈیو وائرل

گھوڑے پر سوار کتے کی ایک دلچسپ ویڈیو سوشل میڈیا پر وائرل ہو رہی ہے جسے اب تک لاکھوں صارفین دیکھ چکے ہیں۔

بعض اوقات سوشل میڈیا پر اسکرول کرتے ہوئے بالکل عجیب و غریب مواد سامنے آجاتا ہے۔

ایسی ہی ایک دلچسپ ویڈیو سوشل میڈیا پر زیرِ گردش ہے جسے دیکھ کر ناصرف صارفین حیران ہوئے بلکہ خوش بھی ہوئے۔

وائرل ہونے والی ویڈیو میں ایک کتے کو گھوڑے کی پشت پر سوار دیکھا جا سکتا ہے۔

گھوڑا پورے شہر میں دوڑتا رہا اور ٹریفک لائٹس پر بھی رُک گیا جبکہ کُتا اُس گھوڑے کی پیٹھ پر بیٹھا سواری سے لطف اندوز ہوتا نظر آیا۔

یہ واضح نہیں ہوسکا ہے کہ یہ ویڈیو کس مقام پر بنائی گئی ہے۔

بشکریہ جنگ