گھوٹکی جلسے میں پدر شاہی کی بیڑیاں توڑنے والی خواتین شریک تھیں، بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ تاریخی اعتبار سے گھوٹکی سندھ میں قدامت پسند اور قبائلی پس منظر رکھتا ہے۔

بدھ کو جاری کیے گئے اپنے ایک ٹوئٹر پیغام انہوں نے کہا کہ میں نے آج یہاں صرف خواتین پر مشتمل جلسہ کیا، جس میں غربت کے خاتمے کے پروگرام کی مدد سے بدحالی اور پدر شاہی کی بیڑیاں توڑ دینےوالی خواتین نے شرکت کی۔

بلاول بھٹو نے اپنے ٹوئٹ میں مزید کہا کہ یہ خواتین آج اپنے کاروبار کررہی ہیں اور دوسروں کے لیے قابل تقلید ہیں۔

بشکریہ جنگ