گھر آیا تو خدیجہ بہت پریشان تھی، والد

خدیجہ صدیقی کے والد احمد صدیقی نے کہا ہے کہ آج کے واقعے کے بعد تشویش ہوئی ہے۔

جیو نیوز سے گفتگو میں احمد صدیقی نےکہا کہ میں گھر سے باہر گیا ہوا تھا، گھر آیا تو خدیجہ بہت پریشان تھی۔

انہوں نے مزید کہا کہ خدیجہ نے مجھے بتایا کہ گھر پر کوئی فائر کرکے گیا ہے، جس کے بعد میں نے 15 پر کال کی تو پولیس فوری طور پر موقع پر پہنچ گئی۔

ایل ایل بی کی طالبہ خدیجہ 2016 میں چھریوں کے وار سے زخمی ہوگئی تھی ، خدیجہ پر اس کے کلاس فیلو شاہ حسین نے چھریوں کے23 وار کیےتھے۔

خدیجہ صدیقی کے والد نے یہ بھی کہا کہ ہوسکتا ہے ملزم نے فائر کیا ہوا، یہ بھی ہوسکتا ہے کہ کسی نے 14 اگست کے موقع پر ہوائی فائرنگ کی ہو۔

اُن کا کہنا تھا کہ خدیجہ صدیقی پر قاتلانہ حملے کے مجرم کی طرف سے رہائی کے بعد سے اب تک کوئی دھمکی سامنے نہیں آئی ہے۔

احمد صدیقی نے کہا کہ آج کے واقعے کے بعد تشویش ہوئی ہے۔

بشکریہ جنگ