گورنر سندھ کی نکاح نامے میں ختم نبوت کا حلف نامہ شامل کرنے کی تجویز

صوبہ سندھ میں بھی نکاح نامے میں ختم نبوت کا حلف نامہ شامل کرنے کیلئے گورنر کامران ٹیسوری نے وزیراعلیٰ سندھ مراد علی شاہ کو خط لکھ دیا۔

گورنر نے نکاح نامہ میں نبی کریم ﷺ کے خاتم النبیین ہونے کے اقرار کو لازمی شامل کرنے کی تجویز دی ہے۔

خط کے متن کے مطابق نکاح نامہ میں اس اندراج سے ہم نبی کریم ﷺ سے محبت و عقیدت کا اظہار کرسکیں گے۔

گورنر سندھ نے کہا کہ ختم نبوت ہر مسلمان کے ایمان کا بنیادی جزو ہے، وزیراعلیٰ سندھ اس ضمن میں ضروری اقدامات کریں۔

گورنر نے مزید کہا کہ نبی کریم ﷺ کے خاتم النبیین ہونے کا اقرار نکاح نامہ میں شامل کرنے کا پابند کیا جائے۔

بشکریہ جنگ