گورنر سندھ بھی نعمان نیاز کے رویے سے نالاں

گورنر سندھ عمران اسماعیل بھی سرکاری ٹی وی پر میزبان ڈاکٹر نعمان نیاز کی جانب سے شعیب اختر کے ساتھ بدتمیزی کے واقعے سے نالاں دکھائی دے رہے ہیں۔

انہوں نے شعیب اختر کی حمایت میں سوشل میڈیا پر جاری بیان میں کہا کہ  شعیب ہمارا قومی اثاثہ ہیں۔

سرکاری ٹی وی پر لائیو شو کے دوران میزبان کے ہتک آمیز رویے کا شکار بننے والے سابق قومی کرکٹر شعیب اختر نے ایک اور پیغام جاری کیا ہے۔

عمران اسماعیل نے کہا کہ ڈاکٹر نعمان نیاز کے لائیو شو میں شعیب اختر سے کیے بدسلوکی کے رویے کی شدید مذمت کرتا ہوں۔

عمران اسماعیل کا مزید کہنا تھا کہ ہمیں ایک دوسرے کی عزت کرنی چاہیے اور اگر کسی قسم کا ذاتی مسئلہ ہے تو سرکاری ٹی وی پر اسے ایک طرف رکھ دینا چاہیے۔

اسپورٹس اینکر ڈاکٹر نعمان نیاز نے سابق کرکٹر شعیب اختر سے سرکاری ٹی وی چینل پر ہونے والی تنقید پر ردعمل دیتے ہوئے کہا کہ کہانی کا ایک رخ ہمیشہ اپنی طرف متوجہ کرتا ہے۔

گورنر سندھ کا کہنا تھا کہ ہمارے اسپیڈ اسٹار سے غیر مشروط معافی ضرروی ہے۔

یاد رہے کہ سرکاری ٹی وی چینل کی انتظامیہ نے اسپورٹس شو میں میزبان نعمان نیاز اور سابق اسپیڈ اسٹار شعیب اختر کے مابین تنازع کا نوٹس لے لیا۔

بشکریہ جنگ