گورنر خیبر پختونخوا حاجی غلام علی کی طبیعت خراب، اسپتال میں داخل

گورنر خیبر پختون خوا حاجی غلام علی کی نتھیا گلی میں طبیعت خراب ہو گئی۔

گورنر ہاؤس کے ترجمان کے مطابق طبیعت خراب ہونے پر گورنر خیبر پختون خوا حاجی غلام علی کو ایوب میڈیکل کمپلیکس منتقل کر دیا گیا ہے۔

ترجمان کے مطابق نتھیا گلی میں گورنر کے پی حاجی غلام علی کا بلڈ پریشر ہائی ہوا تھا تاہم اب وہ اسپتال میں رو بہ صحت ہیں۔

اس حوالے سے ڈپٹی میڈیکل ڈائریکٹر ڈاکٹر جنید سرور ملک نے بتایا ہے کہ گورنر حاجی غلام علی کی حالت اطمینان بخش ہے، انہیں احتیاطاً سی سی یو وارڈ میں انڈر آبزرویشن رکھا گیا ہے۔

بشکریہ جنگ