گوجرانوالہ کو موٹروے سے جوڑنے کے منصوبے پر کام شروع

گوجرانوالہ کو موٹروے سے جوڑنے کے لیے 11 ارب کے لنک روڈ منصوبے پر کام شروع ہوگیا۔

وزیراعظم شہباز شریف گوجرانوالہ کو موٹر وے سے جوڑنے کے منصوبے کا جلد افتتاح کریں گے۔

منصوبے کے تحت موڑ ایمن آباد کے قریب سے 15 اعشاریہ 2 کلومیٹر موٹروے لنک روڈ تعمیر ہو گا، جسے واہنڈو انٹرچینج کے مقام پر لاہور سیالکوٹ موٹروے سے ملایا جائے گا۔

موٹروے لنک روڈ پر 6 فلائی اوورز بنیں گے، منصوبہ 90 روز کی ریکارڈ مدت میں مکمل کیا جائے، جس سے گوجرانوالہ کی انڈسٹری کو بھی فائدہ پہنچے گا۔

بشکریہ جنگ